حاجة تقطع القلب علينا ياعرب بقى اسرائيل عاملة مناحة وقضية رأي عام عالمية على عسكري اسرائيلي واحد ( مفرد ) شاليط .
والمبعوث الألماني جه الشرق الأوسط مخصوص علشان التفاوض من أجل إطلاق سراح عسكري اسرائيلي واحنا بنفقد من اهلنا في فلسطين الآف بيستشهدوا ، دا غير الآسرى من الشباب والنساء والأطفال الي بالآلاف في السجون والمعتقلات .
والي يكسف إن نتن _ ياهوووو في تصريحاته على القنوات الفضائية قال أنه مستعد يطلق سراح ألف اسير مقابل شاليط للدرجة ديه بقى الإسرائيلي المحتل بيساوي ألف فلسطيني بيدافعوا دفاع مشروع ضد محتل غاصب .
حاقول ايه
ماحدش شاف شاليط ياولاد
كان في ايده اليمين سلاح آلي وفي إيده الشمال قنبلة
بيقتل بيهم الأبرياء
وللحديث بقية
المشاركات
هناك تعليقان (2):
انتى فين يا استاذة من زمان
ارجو ان تكونى بخير واتم صحة
كنت اتوقع البوست ده عن ازمة المحامين ......لكن معلهش المرة دى عن شاليط المرة الجاية عن حرب الشللاييط ........تحياتى
الحمد لله يااستاذ محمد
بارك الله فيك الف شكر على سؤالك الطيب
ازمة المحاميين مشكلة لان حلها صعب جدا علشان المحاميين يطالبوا بحقوقهم لازم الأول النقابة تنقي الجداول من المشتغلين بالمهنة على بنسبة 50% على الأقل لانهم لايصلحوا للعمل كمحاميين من وجهة نظري لان المحاماه مهنة انسانية زي مهنة الطب وبصراحة النيابة العامة والقضاء في مصر من اعدل وارقى قضاء في العالم بنسبة 90 % منهم من خلال تعاملي معهم وماينفعش ان محامي يمتهن مهنة النصب او خلافه ويسمى نفسه محامي بيكون مثل لكل زملائه وبالتالي القضاء لازم يتعامل معاه بأسلوب رادع ولاانكر ان فيه وكلاء نيابة وقضاء لايصلحوا ولكن بنسبة بسيطة جدا يعني مرة كان عندي جلسة والعضو الشمال قاعد بيفطر بسكويت بوريو في القاعة والجلسة منعقدة وقاعد يبص على كل واحدة قاعدة ورئيس الدايرة هو والعضو اليمين متابعين وهو في عالم تاني فهو لايصلح نهائي ولكن النسبة ضئيلة جدا مقارنة بالمحاميين الي اصبح نسبة منهم وصمة عار في جبين المهنة .
وان شاء الله اكتب بوست عن ازمة حرب الشلاليط ههههه.
بالنسبة لشاليط هما نسيو ا يفتحوا المندل يمكن يلاقوه انا بشك انه داس على ديل قطة سودا فعلقته على شجرة في جزيرة نائية في المحيط .
اسعدني مرورك الكريم
اطيب تحيه
إرسال تعليق