مدينة الرومانسية المفقودة
في كل مكان قلوب حمراء ودباديب وورود حمراء بيقولوا النهاردةعيد الحب .. ياربي هو انا في القاهرة ولا في مدينة الرومانسية لا مش معقول اكيد انا في مكان في قصص حب ودموع ومافيش ولا حالة طلاق ولاعقوق والدين والناس كلها بتحب بعضها ومافيش أي شخص بيتجوز جواز تقليدي وبيتجوز البنت الي بيحبها او الولد الي بتحبة وقلب الأولاد بيتقطع على اهاليهم وبعد مابيتجوزوا بيسألو عليهم وبيراعوهم ..
الدبدوب رمز للبدانة
حتى المخلوق الي بيرمز للشراسة و للبدانة والبدانة تعتبر من اخطر امراض العصر بقى رمز لعيد الحب يعني مافيش مخلوق اجمل شوية ولا اليف غير الدب مالها القطة مخلوق جميل ورقيق ولاعصافير الكناريا ولا البغبغان ولا النعامة ولا الزرافة مثلا لكن في رأي القط افضل من الدب الدبدوب دباديبو على الأقل بيتكلم بلغة الأر أر أره لغة الحب القططي ..
..واحنا مالنا طالما الموضوع كله يوم وحيعدي دبدوب ولاقط مش حتفرق..
يوم عيد اللاحب
رجل او إمرأة يمرون في الشوارع المزينة بالقلوب والدباديب والورود مش عارفين انه يوم عيد الحب وحتى لو عرفوا حتفرق ايه معاهم فهما كائنات بشرية تتنفس وتشرب وتأكل وتتزاوج ولا تعرف الحب كل الي تعرفه المال والمنفعة وارضاء المجتمع بدون احاسيس بدون مشاعر بدون عاطفة بدون حب .. فلنا ان نتخيل كيف ستتوالي اجيال جاحدة قلبها ميت لاينبض !!!!
في يوم عيد اللاحب احبك انت لا يابنتي انت تسلية زيك زي اي واحدة رخيصة بتمشي مع ولد ملكيش اهل يعرفوا بنتهم بتروح فين ولا بتقابل مين ..
في يوم عيد اللاحب احبك انت ليه عايزني آكل عيش حاف ياابني روح ابعد بعيد دور لك على واحدة على قد حالك طولك كدة ..
في يوم عيد اللاحب الاف الأطفال في الملاجئ بدون أم أو أب الآف يحيون بلقب ايتام واهاليهم على قيد الحياه ..
في يوم عيد اللاحب الآف المسنين في دور الرعاية وفي بيوتهم الخاوية من الدفئ و من حب الأبناء ..
جواز مخلوقات شبه حيه
في المدينة الرومانسية الوهمية المزينة بالورود علشان تستقبل عيد الحب 95 % من الزيجات تتم فيها عن طريق الجواز التقليدي فوق حطام ملايين القلوب لان القانون السائد وبحسب عرف وتقاليد الكائنات البشرية الي فيها والي بيتم فيها التزاوج زي اي كائن حي .. لونشأ قصة حب بين ولد و بنت وحبها حب حقيقي تبقى مش محترمة وزي ماعرفته حتعرف غيره وماينفعش انه يتجوزها لان الشاب المصري لايعترف بالحب بيعترف بالجواز بس فهوطبقا للعرف والشك في اخلاقها .. يتجوز واحدة مايعرفهاش مش مشكلة اذا كانت بتحبه متقبلاه او لا حيكون فيه بينهم مودة ولا لأ او كانت بتعيش قصة حب قبل كدة ماتفرقش طالما المجتمع الي حواليه راضي ويروح ينقيها زي اي شئ اسفة في التشبيه زي الحذاء والبنطلون الي في فترينة العرض .. ومش مشكلة عنده المشاعر والاحاسيس البريئة والجميلة الي اتحطمت اهم شئ تنفيذ قوانين واعراف المجتمع المحيط .. والبنت كذلك بتتحول الى سلعة في السوق منتظرة الي حيشتريها مش مشكلة متوافقة مع شريك حياتها أو لا اهم حاجة انها تتجوز وتخلف لكن تحب بلاش الحب حاقول المودة والرحمة او جوزها يحبها مش مشكلة اهم حاجة رضاء المجتمع وبالتالي بتحصل مهازل من طلاق لخيانة زوجية واغضاب الخالق لرضاء عيون واسكات السنة المجتمع ..
.فالحب هو وهبة الخالق ولايمكن شراءه بأي ثمن .
حب الأم والأب والأخوات
الحب الذي لايعوض بالكنوز ولا المال ولايعوضه زوج ولازوجة فالأب والام لايربطهم مع اولادهم قسيمة جواز او ممكن ان يعوضوا بعد رحيلهم او اهمالهم .. ولكن رابطة الدم في لحظة خروج الابناء من المنزل في كتير من الاحيان بتجحد وكان البشر اتولدت من غير ام ولا اب .
والمشهد المتكرر سيدة مسنة او رجل مسن لايجدوا من يعطيهم الدواء من يسأل عنهم من يحتضنهم يشعرهم بأهمية وجودهم في الحياة وفي احيان كثيرة يحلف الزوج على الزوجة انها ماتروحش عند امها ولا الزوج يروح عند امه والسبب ؟
حتى الاخوات الي مابيتعوضوش لمابيتفرقوا وبتعدي سنين العمر كأنهم اغراب عن بعض وكأنهم مااتولدوش من رحم واحد مأكلوش في يوم من طبق واحد ألخ .......
وللحب والمودة صور كثيرة زي الصداقة الجيرة العروبة وزي مالجزائر جحدت عروبتها وجعلت من مصر العرب اضحوكة للعالم بأكاذيبها الي بتنم عن كره دفين لمصر وتحطيم كل من يقف امام اي مصلحة من مصالحها .
الحب هوالمودة هو دفئ القلوب
الحب اسمى واجمل احساس في الدنيا فبالحب تحيا القلوب
بالحب تهون كل الصعاب
بالحب يحيا الأمل في الحياة
ولكن في ظل مانحياه من جحود واجحاد لارقى واسمى المشاعر
فاقد الحب لا يعطية
المشاركات
