السبت، 27 مارس، 2010

سيدي المدبولي سابقا


النهاردة كنت في مجمع محاكم الجلاء الي موجود في شارع الجلاء وهو شارع حيوي جدا في قلب القاهرة وبيربط بين مناطق رمسيس والاسعاف والتحرير ..

وكلمة الجلاء بترمز لجلاء الاحتلال البريطاني او الاجنبي عموما من مصر..

بس اول مرة النهاردة اشوف اللوحة الي بتحمل اسم شارع الجلاء الي بقال سنين بعدي من الشارع وعمري ماشفتها ومكتوب تحتها ان اسم الشارع سيدي المدبولي سابقا ..

.. سؤال صعب شوية للسادة المسؤلين عن اللوحات في محافظة القاهرة..

مين هو سيدي المدبولي ؟






الأربعاء، 10 مارس، 2010

اخلاء سبيل سفاح بني مزار بسبب عدم جدية التحريات وبالرغم من اعترافه



في ظل ذهول من القرار



وبالرغم من اعترافه بقتل سيدة واطفالها الثلاثة وجنين



وكان السفاح قد اعترف بقرية أبوالعباس التابعة لمركز بني مزار بتفاصيل جريمته البشعة أمام النيابة‏ بـــ :
إنه تسلل المنزل المجني عليها ليلا لسرقة الماشية وعقب دخوله المنزل اختبأ أسفل السلم المؤدي إلي سطح المنزل في انتظار نومها إلا أن المجني عليها وبعد فترة توجهت إلي الحظيرة للاطمئنان علي مواشيها‏,‏ وفوجئت بوجود المتهم وحال محاولتها الاستغاثة ..



فقام بوضع يده علي فمها‏ ، و‏حاولت مقاومته فعاجلها بعدة طعنات بسكين بالرقبة والصدر والظهر أودت بحياتها وإثر ذلك استيقظ أطفالها وشاهدوا المتهم المعروف لهم وخشيته من افتضاح أمره سيطر علي اثنين منهم وعاجلهما بطعنة في صدر كل منهما أودت بحياتهما وقام بخنق الثالث بقطعة ملابس وهرب من المنزل من الخارج دون أن يستولي علي أي مسروقات وقام بغلق المنزل من الخارج وتخلص من السكين أداة الجريمة بأحد المنازل المهجورة المجاورة حيث أرشد عنها وتم ضبطها‏..



العقل والمنطق في حالة غيبوبة
وجاء قرار الإفراج بسبب عدم جدية التحريات ، فقد رأت المحكمة في قرارها أن التحريات التي أجراها شخص واحد فقط تحتمل الصواب والخطأ، علاوة على عدم وجود أي شهود على الحادث..؟؟؟ فكيف لسفاح ارتكب هذه الجريمة البشعة أن يكون عليه شهود
وخطاب التحريات المعروف خاصة للسادة المحاميين البارعيين ..



في نصف سطر لا اكثر



بالتحري لم نتوصل لمعلومات عن الواقعة المذكورة



كلمة
اعتراف دون اكراه او تعذيب لايضاهيه اي دليل بأنه هو القاتل فالقاتل فالاعتراف سيد الأدلة ، واثبات معاينة النيابة انه لاتوجد اي سرقات منطقا وعقلا كيف لقاتل اربعة انفس ان يسرق اليس من الأولى ان يهرب قبل ان يكشف أمره ؟
ذنب هذه السيدة واطفالها الثلاثة والجنين الذي كان في احشائها في رقبة من ؟



القاتل أم التحريات أم المجتمع أم .......؟؟؟؟؟؟


أين العقاب الرادع حتى يكون القاتل عبرة لأمثاله ؟؟؟؟؟

الاثنين، 8 مارس، 2010

مصعب حسن يوسف .. عذر اقبح من ذنب

عذر اقبح من ذنب

تخابرت مع إسرائيل لإنقاذ الأبرياء

التبرير الذي ابداه مصعب حسن يوسف لمحاورة قناة الbbc

الله يرحمك ياابو عمار ويرحم شهداء فلسطين اجمعين
فرق شاسع بين ناس ضحت بارواحها علشان ارضها وكرامتها
وبين ناس من تهريب مخدرات لسرقة معونات واخرها ابن اكبر
قيادي في حماس يكون عميل لإسرائيل منتظرين ايه تاني ..

أنت فين يادزائر انتو فين ياعرب
مش من الأولى بدل مالجزائر كل يوم تنشر خبر مفبرك عن مصر من سفهاء الصحافة في الجزائر زي جريدة الشروق تعمل فضيحة بجلاجل لحماس والعميل ابن اكبر قيادتها وتسميها حماسئيل .. ولاممنوع على مصر انها تدافع عن ارضها ضد المحتل والمخرب والمهرب المتخفي وإلي بيتاجر بالقضية الفلسطنية لمصالحه الشخصية .

مصر كما كرمها الله
خير اجناد الأرض في مصر .. ارض سينا لما احتلت من الصهاينة عرفنا إزاي نستردها لان روح المصريين كانت روح واحدة وعقيدة واحدة وهي الشهادة
والخاين ماكنش بيستخبى وماكنش ليه وجود بينا ولا على ارضنا .. لأن الدفاع عن الارض مرتبط بالكرامة والشرف ومش محتاج هتافات ولامظاهر خداعة ..

وللحديث بقية

الأحد، 7 مارس، 2010

البطة وانا

العودة الى الوطن
يوم عودتي من المحكمة والي كاتبة عنه في بوست ابحث عن زوجة من الحمام وانا راجعة بركب عربية اجرة من الي بينادو عليها مصر مصر مصر مع اني راجعة القاهرة مش مصر المهم في اللحظة ديه بحس اني ببقى عاملة زي ايه تي وهو بيشاور على السما وبيقول هوم هوم الوطن الوطن .. اخيرا 3 ساعات في الطريق الزراعي وساعتين في طريق المؤسسة يبقى كدة خمس ساعات واوصل مصر ايه السرعة ديه ..


ركبت جنب الشباك وانا من عادتي اني مابحبش ابص على اي شخص وطالما قاعدة حنب الشباك بفضل طوال الطريق على حالي نظري موجه للطريق .. والناس الي نازلة مصر بتركب وفجأة لقيت نفسي بتلزق في جنب العربية ببص جنبي لقيت واحدة ست والناس بيساعدوها في ترتيب الحاجات الي معاها واخدت منهم صندوق مكتوب علية زيت طعام احتفظت بيه على رجلها لغاية كدة والحال ماشي .. واكتمل عدد الركاب والسائق اخذ طريقه لمصر ..

البطة وانا
فجأة سمعت صوت غريب جنبي ببص لقيت عينين بتبص لي من جوة الكرتونة وبعدين ايه الي بيبص لي من جوة الكرتونة ده وفجأة لقيت بطة من الي لونها اسود تقريبا النوع المسكوفي طلعت راسها ورقابتها وفضلت بصة لي لااااااااااااااااا!!!!
ياحاجة البطة بعد اذنك البطة والنفس
الست الطيبة : ومالها يابنتي هي عملت حاجة
ياحاجة وزارة الصحة طول الليل والنهار بتقول انفلونزا الطيور لكني حاقول الزغب بتاع الريش خطر على الرئة بيعمل حساسية خاصة وإن الشبابيك مقفولة
الست الطيبة : مااحنا طول عمرنا بنربي لاسمعنا علن انفلونزا الطيور ولاغيرها
ههههه طيب استأذن تشيليها من جنبي لان الريش بيضايق تنفسي
وهنا تعالت الأصوات والهتافات من داخل العربية
مالها ديه هي فاكرة نفسها من المهندسين
افتحي الشباك الي جنبك وخدي البطة على رجلك
البطة كدة حتتخنق حد يجيب لها ميه علشان عطشت
شيلوا البطة ديه من هناااااااا!!!
مش معقول 3 ساعات حافضل انا وهي جنب بعض وياريت متطوع شجاع البط ياخدها على رجله سكووووووووت ماحدش اتكلم ليه ؟
في النهاية البطة استقرت جنب الباب والمشكلة اتحلت
الي لفت نظري ان فيه واحد كان قاعد في الكنبة الخلفية بيتكلم انجليزي بلكنة امريكية في الموبيل وفاكر ان مافيش فاهمة وباين انه بيشتغل في مجال سياحي او ماشابه كانت تعليقاته سبقاه بعد ماخلص مكالمته فلما قلت له خليها معاك قال لي امبوسيبل !!!اكيد وافق بس انا مفهمتش

الست الطيبة الربانية
حقيقي اول مرة في حياتي اشوف ست طيبة وربانية بالفطرة في ايامنا ديه من الناس بتاعة زمان .. طوال الطريق الحاجة الطيبة إلي كانت قاعدة جانبي كانت بتذكر ربنا وكأنها شايفاه وكانت بتشكره بكلمة الف حمد والف شكر ليك يارب الحمد الله على كل حال اللهم لك الحمد سبحان الله لسة فيه ناس عايشة بالفطرة
"انا بشوف كل يوم في المحاكم وبراها ناس الدنيا مش قنعاها وكل شغلها والي شاغل حياتها هي جمع الفلوس وايذاء النفوس من غير مايحاسبوا انفسهم او يذكروا ربهم " ..

البطة ورايا ورايا
احلى حاجة اني ماعرفتش انزل محطة كلية الزراعة علشان اركب مترو الأنفاق لأن الست ماعرفتش تقوم قلتلها خليكي ياحاجة انا حنزل عبود .. فاستنيت لما العربية وصلت لموقف عبود ولسة بنزل سمعت صوت بيناديني
ويقول لي ناوليني الصندوق دا والنبي يابنتي بصيت جنبي لقيت الصندوق إلي كان فيه البطة ... امبوسيبل !!!
ناولتها طبعا الصندوق بكل روح رياضية وداعا ايتها البطة !!

نصيحة الى وزارة الصحة
بمناسبة الحالات المتزايدة لانفلونزا الطيور اقترح على وزارة الصحة إن التوعية تكون للطيور بدل الشعب بتاعنا صدقوني الطيور حتفهم وتخاف على نفسها اكثر من شعبنا الي بيحب المزح عامل على باطل على اي حاجة
وماينفعش معاه الا اطباء مالهمش في الطب بيعالجوانفلونزا الطيور على انها حصوات في الكلى ..
حاقول ايه
وللحديث بقية

الخميس، 4 مارس، 2010

محكمة النقض تقبل طعن هشام طلعت والسكري في قضية سوزان تميم


القاهرة - قبلت محكمة النقض المصرية الخميس الطعن المقدم على حكم بالإعدام الصادر بحق رجل الاعمال هشام طلعت مصطفى وضابط أمن الدولة السابق محسن السكري بتهمة قتل المغنية اللبنانية سوزان تميم بمسكنها في الإمارات في شهر يوليو/تموز من عام 2008.
وكانت هيئة الدفاع عن المتهمين قد قدمت في 22 سبتمبر/ أيلول عام 2009 بطعن أمام محكمة النقض ضد الحكم الجنائي الصادر من محكمة جنايات القاهرة، وقدم الدفاع إلى المحكمة والتي بلغ عددها 41 دفعا يمثل كل منها سببا لنقض حكم الإعدام على المتهمين وإعادة محاكمتهما أمام دائرة محاكمة أخرى وفق ما طالب به الدفاع عنهما.
من جانبه قال عاطف المناوي من هيئة الدفاع عن هشام طلعت ان قبول الطعن من الممكن ان يكون لسبب واحد من الدفوع حتى لو قدم للمحكمة دفوعا عديدة.