فوز مصر بكأس الأمم الافريقية 2010 للمرة الثالثة على التوالي

هدف فوز منتخب مصر على غانا

الف مبرووووووووووووووووووووووووك

لمصر

الفراعنة حنطوا الخضر 4 - صفر

أربعة مصر صفر ياجزائر

4 جوووووووووووووووووووووووووووووووون
باي بااااااااااااااااااااااااااااااي يالخضرا

الف مبروووووووووووووووووووووووووووووووك
لمصــــــــــــــــــــــــــــــــــــــــــــــــــــــــــــــــــــــــــر
مليون تحية لمنتخبنا الرائع والجهاز الفني والكابتن حسن شحاته


المذيعين الجزائرين كدابين حتى في التصريحات
فكروني بالبلطجي الي بيتهم الناس بالباطل عامل على باطل

وديه بعض من تصريحات المذيعين الجزائرين المستفزة

الحكم كان موسع السكة للمصريين وكل الصحف بين الشوطين قالت ان الحكم كان في صف المصريين

ووائل جمعة كان قاصد يضرب الجدع ده الي اسمه بالحاج علشان مش رياضي

وخدعة مصرية كبيرة بالإتفاق مع الحكم
الحكم خطف كل الاضواء من نجوم السينما المصرية
احمد حسن بيلقن الحكم الي عايزه
كيف سينام الحكم بضمير مرتاح بعد الي عمله في الجزارين وشاوشي
سيدي الحكم لانحتاج منك الهديا نحتاج الحق
دون شفقة اورحمة هذا السيناريو العجيب الي رسمه الحكم
وهذه النتيجة حتى لم يتوقعها المصريين
هناك من اراد ان يفسد العرس الافريقي
نهاية المسلسل افسدها هذا الحكم الافريقي
درس ام درمان سيبقي في تاريخ وذاكرة المصريين
وفي النهايه سابو التعليق عل المباره واتكلموا عن المونديال
اهئ اهئ اهئ اهئ اهئ اهئ
وسنلعب المونديال اهئ اهئ مع الفرق الكبيرة اهئ اهئ اهئ
وحنلعب مع امريكا اهئ اهئ اهئ وحاهئ اهئ اهئ
وغيرها وغيرها من التصريحات المستفزة
بلحاج انطرد اااااااااااااااااااااااااااااااااااااااااااااااااااااااااااد اهئ اهئ اهئ
وكمان شاوشي انطرد اهئ اهئ اهئ اهئ اهئ
يستاهل الي الي جرا له وطردته طرده الشاوشي



مصر هي مصر وحتفضل مصر كبيرة
وكفاية البلطجة و شغل عصابات الشوارع
الي اتعرضنا له في ام درمان ومش بس في ام درمان
لا اتهمونا جوه بلدنا ومعرفناش ندافع عن نفسنا في سيناريو جزائري محكم
وهاجمونا جوه الجزائر وحاصروا الاسر المصرية من غير طعام حسبنا الله ونعم الوكيل
دا غير الي ماتوا في حوادث غامضة
وماعملوش حساب لا للأخوة ولا للعروبة ولا ان الموضوع رياضة في رياضة
ولو كنا كسبنا في ام درمان كانت حتبقى فيه مجازر وجرائم بشعة لكن ربنا ستر
علشان احنا المصرييين ومصر كرمها الله في القرآن الكريم الي حرفوه

والفراااااااااااااااااااااااااااااااااااااااااعنة احنا

احلى شئ والي ضحكني من قلبي ان موقع الشروق عامل استفتاء
بعنوان

هل تثق في دعوات المصريين ؟
نعم _ لا _ بدون رأي
والي يفطس من الضحك الجزائرين خرجوا في الشوراع في الجزائر وفي انجولا علشان يحتفلوا بخسارتهم وهما بيهتفوا الله اكبر بوتفليقة
علشان ينفثوا عن نفسهم ويغطوا على هزيمتهم المريرة
حاقول ايه غير
الحمد لله ربنا اكرمنا وكرامتنا وحقنا رجعوا لينا


الحمد لله

وضاع العمر يامن كنت زوجي في كفاح مرير ج1

احداث حقيقية وقعت منذ سنوات ومازالت تتكرر بطلتها إمرأة كانت شابة جميلة ،فهي متدينة خلوقة من اسرة متوسطة لها اسم يطرأ على مسامع المجتمع تزوجت كأي فتاه تحلم بالزوج وإنجاب الأطفال ، كلما رأيتها ونظرت الى قسمات وجهها الذي مرت عليه سنوات طويلة من الشقاء والبؤس والمعناه أسأل نفسي كيف تحملت هذه السيدة كل هذه السنوات من الحرمان والفقر والمرض بسبب طيش رجل رحمه المجتمع وغفر له كل نزواته واخطائه كونه رجل ، فقد تزوجت من شاب أقسم لها أن حبها هو الأول والأخير وأنها شريكة حياته و أم اولاده وهي الملكة متوجة الوحيده على عرش قلبه إلى آخر العمر .

ومضت الأيام السعيدة في سنوات قليلة اثمرت عن ولد وبنت وجنين لم يرى النور ، وكان ماكان الغدر والاحساس بأن المرأة كائن مهمش ليس له اي حقوق وليس كما قال الله سبحانه وتعالى " وجعل بينكم مودة ورحمة " واصى
بقوامة الرجل على المرأة بأن يراعاها وينفق عليها ويحميها .

زوجة وأطفال بلامأوى
فجأة تحول الزوج الى انسان آخر وتعددت علاقاته النسائية ، وأسقط من حساباته زوجته واولاده ووجدت الزوجة نفسها في الشارع بلا مأوى مع الطفلين والجنين بعد أن قام الزوج بتسليم الشقة إلى صاحب العمارة وتسلم مبلغ طائل في ذلك الوقت فالشقة تقع في احد الأحياء الراقية بالقاهرة ثم قام ببيع مصاغها ثم واختفى مسافرا الى احدى الدول العربية برفقة احدى السيدات التى تزوجها فيما بعد .

حجرة فوق السطوح
وبعد صراع مرير مع الايام واستجداء عطف الأقارب وافق على مضض احد أقارب الزوجة على استضافتها في حجرة فوق سطح العمارة التي يسكن بها و كانت مخصصة للغسيل مساحتها لاتتعدى المترين في مترواحد لها باب ليس له مزلاج ولا يوجد بها حتى شباك افترش الأرض للزوجة واطفالها ورضيعها بمرتبة من القطن على الارض ووابور جاز ، فتلك المرأة كانت يتيمة الأبوين واخواتها واخوتها كل كان له حياته الخاصة ولا تقبل حياتهم بأعباء إضافية ولكنهم كانوا يساعدوها بقدر ما أستطاعوا .

من مستوصف الى ماكينة خياطة

ثلاثة أفواه جائعة تحتاج إلى من يطعمها ،إلى من يحميها ، من الذي يحمل عبأها الثقيل سوى الزوجة التي اصبحت تحمل لقب الأم والأب وليس لها الحق في ان تبحث عن حياتها او أن تلحق بسنوات شبابها قبل ان تنفرط فمن الذي سيقوم برعاية أطفال ابرياء ليس لهم أي ذنب ، تجولت في شوارع القاهرة تبحث عن عمل يدر عليها قروش قليلة فهي معها شهادة من الهلال الأحمر في التمريض وتعرف كيف تعطى المرضى الحقن وتغير على الجروح وتعرف كيف تحيك ملابس البيت ووافقت احد المستوصفات في احد المناطق الشعبية ان تعمل بالتمريض المؤقت واوصت كل من تعرفه انها على استعداد انها تذهب إلى البيوت لإعطاء الحقن .


وبعد عدة شهور اخبرها القريب بأن زوجته تحتاج الى حجرة الغسيل ونبه عليها بألا تطرق الباب عليهم مرة أخرى وعليها ان تجد مكان يأويها هي واولادها .. فأصطحبت اولادها تطرق كل الأبواب ولكن بلا فائدة وبعد وقت ليس بقصير من المعاناه ......

وللأحداث بقية

على الأصل دور

عيش بالسجاير بالهنا والشفا

اجمل بلاد العالم مصر بلدي الي بحبها ومااقبلش اشوف اي حاجة غلط فيها ..

وانا راجعة من شغلي الي بتمنى كل يوم اني اسيبه لاني وصلت لمرحلة قريبة من الأنفجار في موظفين وموظفات المحاكم وطبعا معروف إن مصر فيها ثلاث مسطحات مائية الي طهقان وزهقان يختار اي واحد والباقي معروف ..

عقدتي الوحيدة المعروفة هي العيش المكشوف فدايما اشتريه من منفذ الفرن كالمعتاد :

السلام عليكم عايزة عيش

الكابتن سيجارة : لسة بياخد الكيس ........... !!!

استنى !!!

الكابتن سيجارة : فيه حاجة ؟

فيه حد تاني غيرك هنا ممكن يجيب لي العيش ؟

الكابتن سيجارة :بإندهاش ... آه علشان السيجارة الي في إيدي ..

طيب ماانت واخد بالك

الكابتن سيجارة : ومال السجاير ومال العيش

ممكن تنادي اي حد يجيب لي العيش

الكابتن سيجارة : نادى واحد من جوه الفرن اخد الكيس وجاب العيش

شكرا..

اخدت كيس العيش وقفلته ومشيت ومتكلمتش ولا كلمة لا عن اضرار السجاير ولا عن اضرار التلوث لأني بحس اني جاية من كوكب تاني فشعبنا له عقل تاني وثقافة مكتسبة من الحكمة القائلة اننا شعب متميز بمعدة من الفولاذ عن بااقي الشعوب ..

ليه بنستغرب إن اعلى نسبة امراض موجودة في الشعب المصري من سرطان لقرحة معدة لأمراض جهاز المناعة لتشوه الاجنة للأطفال مرضى السرطان طالما اننا بنشتري السم في اكلنا كل يوم بجهل وتخلف بدون ابسط قواعد الوعي ..

الصورة ديه اخدتها وانا رايحة المحكمة عيش تحت العربية وعلى الأرض وعلى الرصيف وبايعين وافقين مفتقرين لاي شئ متهيألى حتى مش عارفين اسمهم الحقيقي ولا مخلوقين في الدنيا ليه وبالصدفة وانا بصور واحد شافني وقال لهم الحقوا صحفية وبتصور ..وانا راجعة لقيت الوضع اختلف البياع حاطط اقفاص والعيش مرصوص فوقيه وبصي لي وضحك ضحكة بلهاء ..

وزارة الصحة فين

الوقاية خير من العلاج

اللوم الوحيد الي على وزارة الصحة هو انها الميزانيه الي بتصرفها على العلاج الي بتتخصصه للعلاج الحكومي والي البني آدم فيه بيتحول في كثيرا لحقل تجارب من الأفضل انها تصرفها على الوعي الصحي لان مافيش لا كليات ولامدارس عندنا بتعلم الا علم واحد بس هو اننا ازاي ناخد دروس خصوصية علشان ننجح من غير مانتعلم..

وبدل ماتقول للناس اغسلوا ايديكم علشان انفلونزا الخنازير تعمل برامج كاملة عن التوعية للناس وللبائعين اعتقد انها حتوفر النفقات الي بتهدر هباء .. وبدل مايطلع واحد ينشر وعي للناس زي شعبولا ولا كركور ولا غيره عن انفلونزا الطيور ولا غيرها بماانهم مثل يحتذى بيهم في العشوائيات الي شوهت معالم وثقافة وصحة الناس في مصر ..

يتم تخصيص ميزانية بالاتفاق مع الأطباء والعلماء لنشر الوعي والعلم بين الناس مش زي التخلف الي بيحصل في اعلانات التوعيه والهيصة والزيطة على الحان الموسيكار شعبولا وغيره وغيره من التحف الي بنشوفها والي كل مابشوفها ببقى عايزة اكسر التلفزيون !!!! وأقول لنفسي الناس الي في دول العالم لما بيشوفوا الإعلانات ديه ياترى بيقولوا علينا ايه..

من غير مانقطع عيش البياع

لما بتفرج على قناه فتافيت او غيرها من قنوات الطبخ او البرامج واشوف الطهاه وهما رايحين يشتروا العيش من المخابز بتاعتهم ببقى عايزة انتحر طبعا لأنه لايوجد مجال للمقارنة ناس واقفة على الرصيف بتبيع عيش من قمح مستورد فاسد ملوث علشان ارضنا الي كنا بنزرعها بيتبني عليها جحور للتمليك والايجار ونعم للفلوس ولا لصحة البشر

..وناس عندها مليون نوع عيش من أجود أنواع القمح اذن يبقى زي مابتعتبرنا الدول الغربية من دول العالم الثالث والرابع والعاشر كمان طالما مش عايزين نغير من نفسنا .

ليه وزارة التموين او الصحة ماتشرفش على البياعين وبدل ماالموظفين الي مهمتهم الاشراف عاملين ودن من طين وودن من عجين وليهم قانون اسمه مالناش دعوة بغيرنا ..يعلموا بياع العيش ازاي يغطي العيش ويغسل ايده قبل مايبيعه للناس محمل بكل الامراض .. حاقول ايه غير وعلى الأصل دور بالسجاير وبالهنا والشفا ..

وللحديث بقية

لا للدوج والهوت دوج وكل دوج

ديل الكلب ماينعدل لو علقوا فيه قالب


بداية النهاية مع الكلاب الي طول عمري بحب وفائها واخلاصها ولو سمعت شخص بينعت آخر بصفة الكلب اقول في نفسي انه بغباء بيمدحه مش بيسبه لما بيقول له ياكلب يعني بيقول له ياوفي .

لكني نسيت إن مع وفاء الكلاب في الاصل الكلب مخلوق مفترس ومتوحش من سلالة الذئاب والسلعوة وأن الطبيعة فيه هي توحش البرية وليست الألفة وحتى مع ترويضها وتآلفها مع الإنسان بسهوله جدا ممكن ترجع لطبيعتها التوحشية اذا رجع لها عقلها الواعي وافتكرت اصلها .

كل يوم في منطقتنا بنسمع قطيع من الكلاب طول الليل بينبحوا ويهوهوا ومع آذان الفجر بيعووا زي الذئاب لكن لم يخطر لي بال اني ممكن اتعرض ليهم في يوم من الأيام .

أنت بتقولي لنا هش !!!

كان عندي جلسة في احد المراكز الي بتبعد عن القاهرة مسافة كبيرة فأضطريت اني انزل من البيت قبل الفجر بدقايق علشان اركب تاكسي يوصلني إلى رمسيس ، واول ماخرجت مابين عمارتنا والعمارة الي قصادها والي جنبها ثلاث مفارق ( اتجاهات ) كلها على الشارع الرئيسي الي حاركب منه .
وفجأة ظهر لي من أول مفرق مجموع من الكلاب ما أخدتش في بالي ومشيت ولكنهم بدأو يهوهوا عليا قلتلهم هش أمشو بعيد ويظهر أن كلمة هش معجبتهمش فقرروا انهم يأخدوا حقهم مني هوهوهوهوهوهوهو عوااااااااااا ولقيت قطيع بيقفل عليا الثلاث مفارق ويبزنجروا وبيزوموا وودانهم راجعه على ناحية رقابتهم واسنانهم باينة وبيقربوا مني علشان يهجموا عليا يأكلنوني اكيد بس المشكلة انى ماكنتش حاكفيهم مش حيلاقوا ولاحته لحمة حيلاقوا عظم حياكلوا إيه المغفلين دول هما المفروض يبقى عندهم نظر ويجبيولي افطر مش يقفلوا عليا الطريق ماشي ياكلاب ديه اخرتكم معايا.


الحقونييييييي ياناس

حتاكل بصراحة يعني صحيت كل الناس الي في المنطقة من الشبابيك فيه ايه يابنتي الكلاب حتاكلني واسعة ديه شويه حياكلوا ايه؟
طيب بيخوفوني كدة معقوله كويس انك عايشة .. بصراحة ربنا بعتلي جيراننا من مصلين الفجر الي رايحين الجامع دوروا لي على الشنطة والاوراق وجابولي حاجتي كلها حتى جيراننا الي في اخر الشارع لقوا الموبيل واتصلوا بالبيت وقالوا ان ابنهم لقاه وقفلوه لغاية مااستلمه منهم الله يبارك لهم وصلوني لغاية التاكسي واخدوا نمرته كمان لو شكرتهم لغاية مليون سنة مش حاكفيهم حقهم .



الله اكبر الله اكبر
الصلاه خير من النوم .. الصلاه خير من النوم الحمد لله الف حمد والف شكر ليك يارب



جمعيات الرفق بالإنسان

انا حشتكي لجمعيات الرفق بالإنسان من غدر وتوحش الكلاب وحطالب بتعويض كيلو لحمة كل يوم وبعلنها صريحة من على هذا المنبرلا لجمعيات الرفق بالحيوان لان شكل القطط الي روحي فيها وبموت فيها حيبقى عليها الدور المرة الجاية وخصوصا بعد الي عملته القطة فتكات في ابنها مشمش ومات بسببها .


غريزة التوحش لاتقتصر على الكلاب

الموقف الي حصل لي مش بس ممكن يحصل من الكلاب والموضوع مش موضوع حيوانات بس الموقف الي حصل من الكلاب ممكن يحصل من البني أدم وبنفس السلوك .
لما قطاع طرق اولصوص او غيرهم يهجموا على بني أدم علشان يسرقوه او يقتلوه او يغتصبوه او يخطفوه في مجموعات تبقى غريزة الغدر والتوحش والغريزة البرية هي سيدة الموقف ومفرقتش كتير عن موقفي .
إذن الغريزة مالهاش قانون ولا يحكمها العقل ولاتقتصر على الحيوانات . .

المرة الي بعدها وانا مسافرة

ماقلتش الحقوني ياناس قلت امسك حراميييي طيب هات البطاقة والكارنيهات وخد الشنطة بإلي فيها بس ابعت لي مسجات بالصور الي على الموبيل والنغمات بلوتوث .. حاقول ايه

وللحديث بقية