الخميس، 13 نوفمبر 2008

الفيلم المصري أنا وولادي ومدرس مفتري

مدرسين غير مؤهلين نفسيا ولا تربويا ولا انسانيا
والذي بدفع الثمن أطفال أبرياء

والنتيجة

أجيال تنشئ بلا دين أو مبادئ أو قيم..

أجيال تنشئ على يد مرضى نفسيين همهم الأوحد هو جمع المال لا التنشأة ولا التربية ..

أو مثل مدرسة اللغة العربية التي كان يبادلها زوجها فأي جيل صالح سوف تقوم بتنشأته ..



واقعة جديدة لمهزلة التعليم في مصر بعد كارثة الطفل اسلام الذي دفع حياته ثمنا لعقاب قاسي لا يليق بأي مخلوق ..



وبعد موت الطفلة خديجة التي دفعت حياتها ثمنا خوفا من عقاب المدرس ..




والأطفال الذي يتم اضطهادهم ومعاملتهم اسوأ معاملة حتى يأخذوا دروس خصوصية بالقوة

وغيرها من المآسي الي تم تطبيقها على اجيالنا والأجيال الحالية والمعاملة القاسية من مدرسين غير مؤهلين انسانيا ولا نفسيا ولا تربويا همهم الأوحد هو الدروس الخصوصية والعقاب القاسي لمن لا يرضخ اليهم .

وهذه مهزلة لا انسانية جديدة


مدرس بين السريات خلع بنطلون تلميذة ورفع جيبة أخري


شهدت مدرسة بين السرايات النموذجية الابتدائية واقعة مؤسفة بطلها مدرس لغة عربية قام بخلع بنطلون تلميذة ورفع جيبة أخري بعصا. تلقي المقدم محمود السبيلي رئيس مباحث الدقي بلاغاً من ك.م.ل ربة منزل اتهمت فيه مدرس لغة عربية بمدرسة بين السرايات النموذجية يدعي "ز.م" باجبار ابنتها "م.ص.م" 11 سنة تلميذة بالصف الثالث الابتدائي علي خلع بنطلونها ووقوفها أعلي الكرسي لمدة دقائق حيث سخر منها باقي التلاميذ بالفصل وظلوا يضحكون عليها وبعد ذلك أكمل مسرحيته الهزلية باحضار تلميذة أخري تدعي "ه .ع" 11 سنة وأوقفها علي نفس الكرسي وقام برفع جيبتها بالعصا. أمر اللواء محسن حفظي مساعد الوزير لأمن الجيزة بتحرير محضر بالواقعة واحضار المدرس لسؤاله عن الواقعة وأخطرت النيابة للتحقيق.

لوكنت القاضي
سأوجهه الى المدرس سؤال واحد وهو في قفص الإتهام هل توافق ان يتم القصاص بمعاملة اطفالك بنفس الطريقة الي عاملت بها اطفال بريئة ؟

الإجابة وهي بالطبع لا ..
الحكم العادل
لابد من معاقبة هذا المدرس عقاب رادع يتناسب مع الجريمة الشنعاء وهي هتك براءة وحياء الطفولة .


وللحديث بقية

هناك 7 تعليقات:

Nabil يقول...

السلام عليكم...
رائع كالعاده.

دى والله مهزله...انا قريت الموضوع ده فى الجرنال بس كنت فاكرهم ولاد...كده بقت مصيبتين

انا رأييى ان يكون فى اختبار نفسى للمدرسين المتقدمين بطلب للعمل فى مجال التدريس.
وخصوصا ان الناس بتامنهم علي اطفال وواضح ان الاطفال بيضيعوا علما وخلقا ودينا....وده واضح فى المجتمع بنشوف جرايم مفزعه علي يد المتعلمين

وانا حاسس ان احنا هنلاقى المفاجاه الاكبر فى العقاب اللى هيكون نص نص والله اعلم.

وعلي فكره فى توارد خواطر يشرفنى ...انا كنت بفكر اكتب عن كده بس اكيد مش كنت هاكتبه بنفس الروعه .

الف شكر علي الموضوعات الممتازه ودايما تسعدونا وتبهرونا كمان ان شاء الله.

تقبلى تحياتى

حياة يقول...

وعليكم السلام ورحمة الله وبركاته

ربنا يخليك يانبيل دائما اخجل تواضعا
أمام الكلمات الطيبة


عندك حق لازم يكون في اختبار نفسي للمدرسين لكن الطريقة الي بيتعين بيها المدرسين وهي الواسطة كأي وظيفة محت الهدف السامي لمهنة التدريس وهو تنشأه أجيال منها العلماء والأطباء والمهندسين والذين يشكلون القاعدة الأساسية لأي دولة متحضرة .
وأصبح الهدف من التدريس هو جني المال أو ضرب وايذاء التلاميذ بسبب نفسية بعض المدرسين الغير سوية بتنفيث مشاكلهم الخاصة في الطلبة وهذا هو سبب انحدار التعليم ووصوله لمرحلة متأخرة .

لكن برغم كل هذه المهازل هناك مدرسين يحتذى بهم في تربية النشأ لكن للأسف قليل هو من يراعي ضميره .


عندك حق فالعقاب ممكن يكون مخفف وممكن مايكونش فيه عقاب وده بحسب تكيف نص القانون المناسب وبحسب الشهود من الممكن ان تنسف القضية وطبعا الأمر واضح .

بارك الله فيك حقيقي مش مجاملةلوكتبت الموضوع بأسلوبك الراقي الهادف حيكون متميز ككل مايسطره قلمك من روائع .



تسعدني ارائك المميزة دائما
ألف شكر لمرورك الكريم

أطيب تحية

حسام وريمان فى هاكونا مطاطا يقول...

ايه ده

مش معقووووول

المدرسين جرالهم ايه يا جدعان

وايه كحايه المدرس اللغه العربيه ده

حسبى الله ونعم الوكيل

ده ايه التخلف ده والغباء

هو احنا فين

مش احنا فى مصر برضه؟

مش احنا مسلمين برضه

لا حول ولا قوه الا بالله

حياة يقول...

حسام
بارك الله فيك
أسعدني تعقيبك المميز
وأهلا بك في مدونتي المتواضعة


علشان كدة وصل حال شعبنا للدرجة للدرجة المتأخرة الي وصلنا لها
من الثقافة لأن مهنة المدرس رسالة قبل ماتكون مهنة ووظيفة من وطبع لازم يكون المدرس رسالته من أهم مبادئها
القيم والمبادئ والعلم فإذا كان من
من أهم مبادئ المدرس الدروس الخصوصية بس سواء الطلبة فهموا اومفهموش اذن مش حيبقى لا فيه تعليم ولا علم وده الي حصل البلد بتتأخر للقرون ماقبل الوسطى للجهل والخرافات .
وللأسف احنا في مصر ومسلمين لكن الماديات والجشع أعمى قلوب البشر حتى مع أسمى رسالة وهي التدريس .

ألف شكر على مروركم الكريم

أطيب تحية

اكاديمية ابواذرة التطويرية يقول...

كلام من الواقع

لكن الاجمل ان نبحث عن حل

مشكله وطن وجيل كامل

حسبى الله ونعم الوكيل

اكاديمية ابوعاذرة التطويرية يقول...

انا اخدت دروس خصوصى اجبارى

طول فترة تعليمى
مع ان الحاله الماديه كانت تعبانه

حياة يقول...

بارك الله فيك
أسعدني تعقيبك المميز
وأهلا بك في مدونتي المتواضعة

مشكلة التعليم للأسف ملهاش حل وهي الي أدت لتدهور وضع المجتمع الطالب بقى بيروح المدرسة علشان يأخد دروس خصوصية من أول مرحلة الحضانة إلي الثانوي مش علشان يتعلم ،وللأسف كلنا تقريبا اتعرضنا للإضطهاد والضغط علشان ناخد دروس خصوصية مش مشكلة عند المدرس الطالب حيكلف اهله ولا لأ المهم عندهم
هو الماديات فقط .


ألف شكر على مروركم الكريم

أطيب تحية