ولتكملة الحديث ....
والسؤال عن الشعب المصري ؟؟؟؟
والشئ الذي لابد أن يعرفه القارئ أن العبدة لله حابسة نفسها في البيت ومش عايزة تشوف مخلوق واحد او واحدة من الشعب المصري والسبب ؟؟؟
_ كل نزول في الشارع على الأقل بخناقة من إلي بيحصل وطبعا تركت شغلي ( كمحامية ).. علشان ماأروحش المحكمة وأدفع فلوس رشوة يعني ( إكرامية ) للسيد أمين السر أو المحضر بخلاف عيون بعضهم الزايغة والي بتوصل لحد الغزل الصريح ولما اعترض يبقى أنسى شغلي خالص أقعد في بيتي بكرامتي أو .. يبقى لازم أتعاكس وأنا ساكتة .
_ أما في الشارع بأشوف نوعين من الشباب إلي بيعاكس :
النوع الأول ( لما يتهزأ يمشي بعيد ) وكأن شئ لم يكن وتلاقي الناس بتبص إيه المجنونة ديه إلي بتعترض على المعاكسة .
النوع الثاني ( لما يتهزأ ) كالآتي : يتكلم ويطجن زي .. الأستاذ اللمبي .. أنت حد عملك حاجة أن مجنونة أنت بتتلزقي ولا إيه وبرده تلاقي الناس بتتفرج وتبص الي بتضحك والي بيواسي الشاب ويقوله معلش خدها على قد عقلها والي يقول لي إمشي ساكتة لازم تتكلمي يعني !!!.
_ طيب أنا مرة كنت بتمشى في شارع 26 يوليو وشاب بيعاكس بنت محجبة ولابسة الجيب ماكسي لغاية الأرض يعني محتشمة .. لدرجة أنه كان قريب جدا منها وبيقولها كلام مايتقلش وناقص يمد إيده عليها ، فقربت منها وقلت لها .. أنا منك أضربه سيباه يعاكسك ؟؟؟ ردت البنت بإستغراب طب وأنا أعمله إيه أنا أخاف يبهدلني !!!! إيه السلبيه إلي أحنا وصلنا لها ديه إيه إلي حصل.
راح فين الشعب المصري ؟؟؟
وللحديث بقية
المشاركات
ليست هناك تعليقات:
إرسال تعليق