الجمعة، 7 نوفمبر 2008

فضيحة تبادل الزوجات .. حطمت آخر معقل للآدمية



زعيم شبكة تبادل الزوجات ( أستمتع باختيار الرجال لزوجتى ولست نادماً على مافعلت )



بصراحة الخبر متداول وتصريحات المتهمين في منتهى .. مش عارفة أوصف .. لكن الخلاصة أنهم مش نادمين

وعاوزين يكون الموضوع مقنن ، يبقى بدل ماندين التحرش ، نوافق على الفاحشة علنيا وعلى الملأ .


وطبعا بما إن الواقعة والخبر في مصر يبقى لازم تبقى الفضيحة بجلاجل وتسمع في القطب الشمالي والجنوبي

ويزفونا بالأغنية المعتادة

المصريين أهما



وده ملخص ماتم لأن كل التصريحات تصيب بالإشمئزاز


وبعد إعتراف المتهم


وبعد الإدلاء بالاعترافات السابقة ، وجهت النيابة للمتهم الرئيسي تهم نشر إعلانات خادشة للحياء، وتحريض على الفسق والفجور، والدعوة لممارسة الدعارة، واعتياد ممارسة الدعارة، وقررت حبسه 4 أيام على ذمة التحقيقات.



وحسب صحيفة "المصري اليوم"


فقد تبين أن الأخير كردى من شمال العراق يهودى الديانة، وقدم المساعدة للمتهم لنشر الجريمة بين المصريين، وقد طلب محمود الحفناوي، رئيس نيابة العجوزة، وعمرو عمر، وكيل أول النيابة، تحريات المباحث حول الواقعة، واستمع لأقوال المتهم وزوجته، واستمع لأقوال متهمين آخرين، اعترفا بأنهما مارسا الرذيلة مع أزواج آخرين ، مرات من قبل، وفشلت المفاوضات بينهما وآخرين عدة مرات، لعدم موافاة الشروط، التى وضعها المتهم الرئيسى.


وكشفت التحقيقات أن المتهم الرئيسى اشترط على الراغبين فى ( تبادل الزوجات) أن يقدموا عقود زواج رسمية للزوجين، وقال المتهم فى التحقيقات: كنت أرفض المتزوجين عرفيًا، حيث إنهم يختلفون على طول الخط، وربما يمزق أحدهم ورقة الزواج ويقدم بلاغًا لأجهزة الأمن، وتبين أن من بين الشروط أيضاً موافقة الزوجتين، وأن تكونا معجبتين بالطرف الثانى.



الكشف عن الجريمة

وكانت قد وردت معلومات للإدارة العامة لمكافحة جرائم الآداب عن إعلان بعض الأشخاص على النت عن "تبادل للزوجات" وممارسة الجنس الجماعى فى حفلات خاصة ، مستخدمين تقنيات حديثة.



تم تجنيد مصدر سري، وأجرى حوارًا مع معلنين على الإنترنت، وحدث تبادل للهواتف المحمولة، وتحديد موعد مع المتهم الرئيسى فى كافتيريا بجامعة الدول العربية، وتم استصدار إذن من النيابة وألقى القبض عليه يوم الجمعة الموافق 24 أكتوبر واعترف بأنه أنشأ موقعًا على الإنترنت يتضمن عرض نفسه وزوجته تحت مسمى "تبادل الزوجات" واعترفت زوجته بأنها تمارس الدعارة مع الرجال دون تمييز وأنها تعمل مدرسة لغة عربية.





مواد قانون العقوبات الخاصة بواقعة المتهمين

مادة ( 269 مكرر)

يعاقب بالحبس مدة لا تزيد على شهر كل من وجد في طريق عام أو مكان مطروق يحرض المارة على الفسق، بإشارات أو أقوال، فإذا عاد الجاني إلى ارتكاب هذه الجريمة خلال سنة من تاريخ الحكم عليه في الجريمة الأولى؛ فتكون العقوبة الحبس مدة لا تزيد على ستة أشهر وغرامة لا تجاوز خمسين جنيهًا، ويستتبع الحكم بالإدانة وضع المحكوم عليه تحت مراقبة الشرطة مدة مساوية لمدة العقوبة.

مادة ( 273 )

لا تجوز محاكمة الزانية إلا بناء على دعوى زوجها، إلا أنه إذا زنى الزوج في المسكن المقيم فيه زوجته كالمبين في المادة 277، لا تسمع دعواه عليها.



مادة ( 274 )

المرأة المتزوجة التي ثبت زناها يحكم عليها بالحبس مدة لا تزيد على سنتين، لكن لزوجها أن يوقف تنفيذ هذا الحكم برضائه معاشرتها كما كانت .


مادة ( 277 )

كل زوج زنى في منزل الزوجية، وثبت عليه هذا الأمر بدعوى الزوجة، يجازى بالحبس مدة لا تزيد على ستة شهور.

مادة ( 278 )

كل من فعل علانية فعلًا ناضجًا مخلًّا بالحياء؛ يعاقب بالحبس مدة لا تزيد على سنة وغرامة لا تتجاوز ثلاثمائة جنيه.




وبما إن الزوج والزوجة راضين بالواقعة تماما وبعد كل الإتهامات الي وجهتها لهم النيابة ، فستكون عقوبة الاتهامات الموجهة لهم طبقًا لنص المادتين 269 و278 من شهر إلى سنة سجن وإلي حتنتهى ( مدتها ) أثناء جلسات المحكمة وتداول القضية في المحكمة ويخرجوا أحرار طلقاء للنور لنشر الفحشاء .



لوكنت القاضي


بصراحة أنا كنت مستاءة جدا وانا بدون الموضوع وانقله ومش طايقة ابص للصورة حتى ونفسي أكون القاضي .. علشان كنت حاحكم بما نص عليه القانون الإلهي ، ولن أطبق نص مادة في القانون البشري .

كنت حاحكم عليهم بالرجم حتى الموت في ميدان عام علشان يكونوا عبرة لمن لا يعتبر ويكون عقاب رادع لمن أشاع الفاحشة بين العامة طبقا للشريعة الإلهية .

حقيقي مالهمش مثيل حتى في عالم الحيوان .. الذي تحكمة الشريعة الإلهية وبه قصص وعبرة لمن لا يعتبر من بني البشر ولا يرقوا حتى للمرتبة الدنيا من أدنى الكائنات على وجه الأرض .



بصراحة كنت في أشد حالات الإستياء لما وجدت كل المواقع متفننة في الكتابة عن فضيحة تبادل الزوجات في مصر حقيقي الموضوع زاد عن حده لاخوف من ربنا ولا ضمير ولا وازع عقابي ومش عايزين ربنا يغضب علينا ..


ياترى في أيه بعد كدة من فضائح بعد التحرش وتبادل الزوجات.... ؟



وللحديث بقية


هناك 6 تعليقات:

Nabil يقول...

هو فى ايه؟؟؟؟!!!!!!

انا سمعت الحقيقه الموضوع من اصدقاء بس اول مره اشوف الافندى ده هو والهانم المدرسه اللى لابسه لبس محتشم...!!!!!!!!

والكارثه الحقيقيه ان هذه الكائنه بشكلها ده هاتخلى بعض الناس تفقد الثقه فى الناس اللى شكلها محتشم ويقولوا "كلهم زى بعض"

الحقيقه انا بقالى خمس دقايق مش عارف اكتب ودرجة حرارتى 500. هو الناس جرالها ايه.

قال تعالى((
إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ))

وقال القانون الرائع..."المرأة المتزوجة التي ثبت زناها يحكم عليها بالحبس مدة لا تزيد على (((سنتين)))، لكن لزوجها أن يوقف تنفيذ هذا الحكم ((برضائه)) معاشرتها كما كانت ."

"كل زوج زنى في منزل الزوجية، وثبت عليه هذا الأمر بدعوى الزوجة، يجازى بالحبس مدة لا تزيد على ستة شهور."
نقلا عن موضوع حضرتك.

الله علي القانون...!!!! وياله من قانون.
قانون يؤازر المتنطعين الذين لم يرقوا الى درجة الحيوانات.

انا الحقيقه شايف ان القانون الجميل هو اللى يستحق عقاب الذى يحب ان تشيع الفاحشه.

وبعدين بعيدا عن الدين او القانون اين الانسانيه ؟؟؟؟؟؟؟؟

وكمان ياريت الناس تبقى تخلي بالها وتجوز بناتها لرجاله .مش بس فلوس.
قال صلي الله عليه وسلم((اذا جائكم من ترضون دينه وخلقه فزوجوه)):((فاظفر بذات الدين))

هو ده لو راجل كان حصل كده؟؟
اسف علي الاطاله والعصبيه.

والحمد لله ان فى ناس كويسين لسه المفروض نحافظ عليها ونخاف عليهم.
مش نسيبهم يتعاكسوا فى الشوارع...!!!

والحمد لله علي نعمة العقل.

تحياتى
ودمتم متالقين ومبهرين بطريقتكم فى تقديم المواضيع.

ريمان يقول...

استغفر الله العظيم

ايه ده احنا فين

احنا فين يا ناس

حسبى الله ونعم الوكيل

معقوله وصلنا لكده

لالالالالالالالالالالالالالا

انا بجد لو كنت قاضى انا كنت هحكم عليهم زيك ويترجموا كمان فى ميدان عام عشان يكونوا عبره لمن اعتبر

حياة بلا روح يقول...

نبيل
بارك الله فيك
دائما تسعدني أرائك المميزة

للأسف مدرسة يعني المفروض انه بيخرج من تحت إيديها نشئ وجيل صالح . وللأسف مختبأة تحت ستار الدين والدين برئ منها ومن أمثالها ودايما يقولوا السئ هو الي بيطفواويقولوا المحجبات كلهم واحد علشان الي بيستخبوا في الحجاب خايفين من الناس ومش بيخافوا من ربنا.

أنا لماسمعت الخبر من صديقتي افتكرته بالخارج ولكنها اكدت لي انه في مصر .


للأسف الناس نسيت الآخرة و الحساب والعقاب وان ربنا مطلع على افعالهم وكأنهم خلقوا لوحدهم لو ادركوا حقيقة الحياة لثانية واحدة ماكنوش وصلوا للمرحلة المتدنية الي وصولوا اليها .

وللأسف مافيش عقاب رادع في القانون وده طبعا بيسهل عليهم الأمر وحيروحوا المحكمة ديكور بس علشان نقول انهم حيتحاكموا وحيخرجوا لأفعالهم المتدنية مرة تانية .


وفعلا لازم يكون فيه حسن اختيار والناس تجوز بناتها لإنسان متدين يصونها ويحافظ عليها .. لكن للأسف الماديات والجري ورائها اعمى الناس وجعلها تشطب من قاموس الحياة .. الدين ، ألاخلاق ، الحياء ، القيم والمبادئ.. الخ

ألف شكر لمرورك الكريم
أطيب تحية

حياة بلا روح يقول...

ريمان
بارك الله فيك
أسعدني رأيك المميز
وأهلا بك في مدونتي المتواضعة


للأسف احنا وصلنا لمرحلة مالهاش وصف الناس نسيوافيها الدين والمبادئ والقيم وافتكروا بس انهم ازاي يحققوا اهوائهم على حساب اي شئ.


هما يستحقوا يترجموا في مكان عام دا بحسب القانون الإلهي
لكن القاضي بيحكم بنص القانون الي قدامه على الورق والحكم كمان بيستأنف
وبيخرجوا في خلال شهور المحاكمة وطبعا بيبقوا عبرة لأصحاب النفوس الضعيفة الي
حيتأكدوا انه مافيش عقاب رادع.. الله يرحمنا برحمته .

ألف شكر على مرورك العطر

أطيب تحية

Unknown يقول...

لا الله الا الله 000ارحمنا با رب احنا بقينا فى اخر الزمن وصلت النطاعة والدياثة بنا هذا المدى000حاجة تقرف انا مرة كنت مسافرة فى عربية اجرة وركبت معايا واحة منقبة وكانت لوحدها وانا كان معايا اولادى ووصلنا ولقيت فيه شاب نزل معاها من نفس العربية اللى كنا فيها وماكانتش بتكلمه وهوه قعد يتكلم فى الموبايل ويظبط فى مواعيد وبعدين انا ركبت تاكسى ورحت احد الفنادق الخمس نجوم لان جوزى كان عنده مؤتمر وكنا هنقابله انا والولاد بعد ما يخلص ولمحاسن الصدف وصلت معايا الولد والبنت اياهم وللاسف الامن دخلهم بدون اى تفتيش ورحب بيهم وحسيت ان الامن من الآخر مظبط وان قعدوا يفتشونى والاولاد وحتى عربية البنت الصغيرة قلبوها لدرجة انى اتنرفزت جدا وقلتلهم ما تفتشوا البنت بالمرة لاكون حاطة فبها حزام ناسف00 المهم دخل الحمام وطلعت انا طبعا ما عرفتهاش غير من الولد وكانت 000مش قادرة اقول لابسة ايه وطلعت فى الاسانسير وخلاص انا بس عاوزة اقول لاى حقيرة منحلة سافلة ما تداراش فى اللبس المحترم اللى هوه رمز العفة والتدين 000000000ليه كل واحدة فيهم تدنس الاسدال والنقاب حرام بجد حرام000 انا اسفة للاطالة وربنا يستر علينا0

حياة بلا روح يقول...

أم البنات3
بارك الله فيك
أسعدني رأيك المميز
ومرحبا بك في مدونتي المتواضعة

عندك حق فعلا احنا في آخر الزمن ويمكن قرأت كتاب بينص على اننا بنعيش في احداث النهاية وبداية العلامات الكبرى لأشراط الساعة .

وللأسف شعبنا بقى مصاب بداء الإزدواج الديني قدام بعضة تدين وكلام في الدين لكن الفعل شئ ، والتستر في النقاب علشان واللحية والحجاب بقى سمة اساسية وبيعتبروا حاليا من الزي الوطني الرسمي المصري ، ومش علشان ارضاء الخالق عز وجل والخوف من يوم الحساب .

انا الي خلتني اسيب المحاماه في يوم من الأيام واحدة منقبة بردة سلوكها
من أول الربا في المال لغاية عقد جواز عرفي لأبنها علشان تجيب واحدة غلبانة تبهدلها وكل اخواتها منقبات ومحترفات اجرام وطبعا ماوفقتهاش وسبت المحاماه لمدة سنتين بسببها .. ده غير الي بشوفه في المحكمة كل يوم من مهازل متسترة تحت النقاب وتحت الزي الإسلامي والي في المواصلات ايشارب فوق الرأس وبنطلون ضيق ومفسر وسلوك سئ مايرضيش ربنا ولا يمت بصلة لدينا الإسلامي .

والله الي بيحصل في مصر ده من ضيق الحال وأمراض وضنك ومصائب من غضب ربنا على شعبنا والحالة المزرية الي وصل لها في السلوك والأفعال ونسيوا الدين والآخرة .

الله يرحمنا برحمته
نورتيني

ألف شكر على مرورك العطر

أطيب تحية